იტალიამ შესაძლოა ევროკავშირის ბიუჯეტის მხარდაჭერაზე უარი განაცხადოს

იტალიის პრემიერმინისტრმა, ჯუზეპე კონტემ, სოციალურ ქსელში, Facebook-ზე, განაცხადა, რომ რომმა, შესაძლოა, უახლოეს წლებში არ დაუჭიროს მხარი ევროკავშირის ბიუჯეტს.

"იტალია არ თვლის შესაძლებლად გაიზიაროს ევროკავშირის ბიუჯეტი, რომელიც სოციალური კუთხით ასეთ არამიზანშეწონილ პოლიტიკას ითვალისწინებს"-წერს კონტე.

მისივე თქმით, იტალია მზადაა ეს ნაბიჯი გადადგას მიგრანტებთან დაკავშირებული საკითხის გამო.

მან ასევე დაამატა, რომ ბრიუსელში ჩატარებული შეხვედრა, რომელიც მიგრაციის პრობლემებს შეეხებოდა, ევროკავშირის " მარცხი" გახდა.

ცოტა ხნით ადრე, კი იტალიის პრემიერმინისტრმა განაცხადა, რომ ევროკავშირმა მიგრაციის პოლიტიკასთან დაკავშირებით ახალი ზომები ვერ მიიღო.