ოქრო, ვერცხლი და სიგელი – ქართველ მოსწავლე გოგონათა წარმატება მათემატიკის ოლიმპიადაზე

საქართველოს ნაკრებმა თამარ კორკოტაშვილის, ანა ონოფრიშვილის, ქეთი სულამანიძის და მარიამ ივარდავას შემადგენლობით 88 ქულით მე-11 ადგილი დაიკავა, რაც საქართველოს ოლიმპიადებზე მონაწილეობის ისტორიაში საუკეთესო მაჩვენებელია: 2016 წ – 19 ადგილი; 2017 წ – 22-ე ადგილი; 2018 წ მე-15 ადგილი.

ინდივიდუალურ შეჯიბრში გოგონებმა ასეთი შედეგები აჩვენეს:

ანა ონოფრიშვილმა (30 ქულა, მე-17 ადგ) – ოქროს მედალი;
თამარ კორკოტაშვილი (27 ქ, 24-ე ადგ.) – ვერცხლის მედალი;
მარიამ ივარდავამ (21 ქ, 56-ე ადგ.) – ვერცხლის მედალი;
ქეთი სულამანიძე (10 ქ, 149-ე ადგ.) – საპატიო დიპლომი.

ოთხივე მათგანი კომაროვის სახელობის ფიზიკა-მათემატიკის №199 საჯარო სკოლის მოსწავლეა

გუნდს ხელმძღვანელობდნენ:
ივანე გოქაძე – ქუთაისის შპს N1 სკოლს (გოქაძე) პედაგოგი
დიმიტრი არაბიძე – კომაროვის სახელობის ფიზიკა-მათემატიკის №199 საჯარო სკოლის პედაგოგი
საბა ლეფსვერიძე – კომაროვის სახელობის ფიზიკა-მათემატიკის №199 საჯარო სკოლის 2018 წლის კურსდამთავრებული, მათემატის 2016-18 წლების ოლიმპიადების მონაწილე და ორგზის ვერცხლის მედლის მფლობელი.

აღსანიშნავია, რომ ტურნირის მონაწილეთა შორის კიდევ ერთი ყოფილი კომაროველი – ანა მარია მექერიშვილი იყო. მან ნიდერლადების ნაკრებში იასპარეზა და საპატიო დიპლომი დაიმსახურა.