ცვლილებით, აკრძალვები ელექტროსიგარეტზეც გავრცელდება
პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარის, აკაკი ზოიძის განცხადებით, "თამბაქოს კონტროლის შესახებ" კანონპროექტით, რომელსაც პარლამენტმა პირველი მოსმენით მხარი დაუჭირა, იგივე აკრძალვები და შეზღუდვები გავრცელდება ელექტროსიგარეტზე, რაც თამბაქოზე.
"რეგულაციაში გათანაბრებული გვაქვს ელექტრონული სიგარეტი თამბაქოსთან. ეს არის ჯანმრთელობის მსოფლიო ორგანიზაციის რეკომენდაცია", – განაცხადა აკაკი ზოიძემ პარლამენტში "თამბაქოს კონტროლის შესახებ" კანონპროეტის სამუშაო შეხვედრაზე.